Tashkent City’даги 9 қаватли уйнинг томи ёниб кетди
Тошкент шаҳрининг Шайхонтоҳур тумани, Ботир Зокиров кўчасидаги Tashkent City ҳудудида жойлашган 9 қаватли уйнинг том қисми ёниб кетди. Бу ҳақдаги хабар пойтахт ФВБга 23 январь куни соат 19:49 да келиб тушган.
Шунга кўра, ёнғин-қутқарув техникалари манзилга соат 19:53 да етиб бориб, ёнғин соат 20:03 да қуршаб олиниб, соат 20:05 да ўчирилган.
Ҳодиса оқибатида ҳалок бўлган ва жабрланганлар йўқ.
Ҳозирда ёнғин сабаби ва келтирилган моддий зарар аниқланмоқда.
