«Ўзбекистон – француз компаниялари учун янги Элдорадо» — Le Moci
Франциядаги халқаро савдога ихтисослашган Le Moci журналида «Ўзбекистон – француз компаниялари учун янги Элдорадо» номли мақола чоп этилди. Мақолада Франция компаниялари Ўзбекистон бозорига фаол кириб кела бошлагани ҳақида сўз юритилади.
Француз компанияларининг катта гуруҳлари 2019 йилдан буён Ўзбекистоннинг давлат ташкилотлари ва компаниялари билан маслаҳатлашув ва экспертиза ўтказиш учун шартномалар имзоламоқда. Шунингдек, 2017 йилдан бери ушбу Марказий Осиё иқтисодиётига хорижий инвестициялар учун ййўлга қўйилган очиқликдан фойдаланмоқда.
Мақолада айтилишича, Тошкентда Франциянинг «Carrefour» компанияси 14 январь куни янги супермаркет очди. Худди шундай супермаркетнинг иккинчиси 21 январь очилади. Биринчи дўкон 24 декабрь куни ишга туширилади. Бу биринчи йирик халқаро дистрибюторнинг Ўзбекистонга, ҳаттоки бутун Марказий Осиёга келганини англатади.
Ҳаммаси бўлиб францсуз бренди 2022 йилгача Тошкентда чакана савдо ва савдо-кўнгилочар марказларга ихтисослашган «Majid Al Futtaim» амирлик гуруҳининг франшизаси орқали 5 та супермаркет ва 2 та гипермаркет очади. Ушбу тижорат ривожланиши натижасида 2500 та янги иш ўринлари яратилади ва 600 га яқин маҳаллий этказиб берувчилар ҳам хизмат кўрсатишни бошлайди.
Рангис миллий бозорининг бошқарувчи оператори Семмарис 2020 йил 9 декабрь куни Ўзбекистон қишлоқ хўжалиги вазири ва Франция ташқи савдо вазири Франк Ристернинг иштирокида имзолаган шартномага кўра Тошкент, Самарқанд ва Андижон шаҳарларида мева-сабзавот ва улгуржи улгуржи бозорлар тармоғини ташкил этилди.
«Биз икки-уч йил ичида 15 миллион эвролик шартнома асосида учта улгуржи бозорни ўз ичига олган бутун мамлакат бўйлаб 8 та агрофилистик марказ ривожланиш учун эксклюзив ва стратегик ёрдам ва тажрибани тақдим этамиз. Қайсидир маънода биз ушбу лойиҳани бошқаришда Ўзбекистон ҳукуматига маслаҳат берамиз ва ёрдам берамиз», — деб таъкидлаган Семмарис президенти Стефан Лаяни.
Ушбу агро-логистика тармоғи йилига 3 миллион тонна мева-сабзавот маҳсулотларини ишлаб чиқаришга мўлжалланган бўлиб, норасмий бозорлар томонидан қисман банд бўлган Ўзбекистон қишлоқ хўжалиги секторини шакллантиришга ёрдам бериши кутилмоқда. «Ўзбекистон 2030 йилга қадар қишлоқ хўжалигини ривожлантириш бўйича салмоқли ўзгаришларни амалга оширади. Ушбу инфратузилма 20 миллион тонна мева-сабзавотларни йиғиш ва сақлашда уларнинг 30 фоизини йўқотишни олдини олишга имкон беради», — дейди француз компанияси раҳбари.
«Президент Шавкат Мирзиёев миллий иқтисодиётнинг барча тармоқларини хусусийлаштириш орқали халқаро сармоялар ва хорижий капиталга йўл очди. Бу стратегия чет эллик инвесторларнинг, айниқса франтсуз инвесторларининг эътиборини кучайтирмоқда. Узоқ муддатли лойиҳалар бўйича мамлакатда ривожланаётган барча хорижий компаниялар орасида хитой, рус, турк, немис, итальян ва бошқа компаниялар орасида франтсуз компаниялари узоқ муддатли лойиҳалар бўйича тажриба алмашишда устунликка эга», — дейди Франция ташқи савдо бўйича маслаҳатчиси (CCEF) ва Франция—Ўзбекистон бизнес-клуби котиби Пер Дйрригуэ.
Франциянинг йирик компаниялари 2019 йилдан бери Ўзбекистон билан шартномалар имзоламоқда. Жумладан, Суэз халқаро ривожланиш компанияси 2020 йил июнь ойида Тошкент шаҳар ҳокимлиги ва Уй-жой коммунал хўжалиги вазирлиги билан Ўзбекистон пойтахтидаги сув таъминоти ва канализация тармоқларини модернизациялаш ва «Тошкент шаҳар сув таминоти» давлат компаниясини қўллаб-қувватлаш бўйича 7 йил муддатга 142 миллион эвролик шартнома имзолади.
Ушбу франтсуз гуруҳи Ўзбекистонда сув академиясини яратади, у минглаб ўзбекистонлик сув мутахассисларини малакасини ошириш ва мамлакатдаги сув менежерлари ва мутахассисларининг кейинги авлодини шакллантириш мақсадида ўқитади. Ўзбекистондаги сув хўжалигини модернизация қилиш бўйича пилот лойиҳа Марказий Осиё минтақасида витринага айланади.
Тотал Эрен компанияси 2019 йил сентябрь ойида ўзининг биринчи қуёш энергияси лойиҳасини ишга тушириш учун электр энергиясини сотиб олиш бўйича 25 йиллик шартномасини имзолади. Самарқанд вилоятида 100 МВт қувватга эга электростанция жойлашган бўлиб, 150 минг аҳоли учун электр энергияси сарфига тенг энергия ишлаб чиқаради. Франция билан амалга оширилган ушбу лойиҳа Ўзбекистондаги биринчи давлат-хусусий шериклик лойиҳаси ҳисобланади.
Франция ва Ўзбекистон Энергетика вазирлиги 2019 йил сентябрь ойида соҳада ҳамкорлик қилиш учун қўшма корхона ташкил этилишини эълон қилди. Тизим мамлакатнинг янги энергия балансини амалга оширишга имкон берадиган лойиҳаларни ишлаб чиқишда, мувофиқлаштиришда ва бошқаришда ёрдам беради. Орано Давлат геология ва минерал ресурслар қўмитаси (Госкомгеология) билан Ўзбекистонда конларни қидириш ва уран қазиб олишни ривожлантириш бўйича 2019 йилда ҳамкорлик шартномасини тузди. Давлатлар ўртасида шериклик асосида қўшма корхона ташкил этилди, унинг 51 фоизи «Orano»га, 49 фоизи Давлат геология қўмитасига тегишли.
Франциянинг «Orex Loisirs», «Campagnie des Alpes», «Geode» ва «Egis» тадқиқот идоралари ҳомийлигидаги Белдерсай-Чимган-Нанай лойиҳаси доирасида тоғларда «Resort International» меҳмонхонаси ташкил этилгани мамлакатлар ўртасидаги ҳамкорликнинг катта наъмунасидир.
