Шимолий Македониядаги тунги клубда ёнғин содир бўлиши оқибатида 60 га яқин киши ҳалок бўлди
Кочанида (Шимолий Македония) Пулсе тунги клубида ёнғин содир бўлди. Oқибатда 59 киши ҳалок бўлди, яна 155 киши жароҳат олди. Бу ҳақда РБК хабар бермоқда.
Ҳодиса ўтган дам олиш кунлари содир бўлган, ёнғин пиротехника воситаларидан фойдаланиш оқибатида келиб чиққан. Аланга тезда бинонинг томига тарқалди. Бу вақтда клубда 1,5 мингга яқин одам бўлган.
Кочанидаги шифохона директори Кристина Серафимованинг айтишича, фожиа қурбонларининг энг кичиги 14 ёшда, энг каттаси эса 25 ёшда бўлган. Мамлакатда етти кунлик мотам эълон қилинди.
Ҳодиса муносабати билан 20 киши, жумладан, ҳукумат амалдорлари ва амалдаги лицензияси бўлмаган тунги клуб бошқарувчиси қўлга олинган.
