Самарқанддаги бозорда ёнғин содир бўлди
Ҳозирда ёнғин сабаблари ҳамда келтирилган моддий зарар миқдори аниқланмоқда. Бу ҳақда ФВВ матбуот хизмати маълум қилмоқда.
Фото: видео лавҳадан
Хабарга кўра, 14 июнь куни соат 00:01да Самарқанд вилояти Иштихон тумани Қорақуйли МФЙ А.Навоий кўчасида жойлашган «Иштихон деҳқон бозори» МЧЖда озиқ-овқат ва қандолат маҳсулотлари сотиладиган очиқ савдо растасида ёнғин юзага келган.
Қайд этилишича, ҳодисани бартараф қилиш учун воқеа жойига 6 та ёнғин-қутқарув экипажи келган. Ёнғин соат 00:32да ўраб олиниб, 01:35да тўлиқ ўчирилган. Олиб борилган амалий ҳаракатлар натижасида савдо расталарининг 450 кв.м. майдони ёнғиндан сақлаб қолинган.
Таъкидланишича, ёнғин оқибатида жабрланган ва ҳалок бўлганлар йўқ.
