Фарғона вилоятининг 5 туманидаги истеъмолчилар электр таъминотидан қисман узилди
Фарғона вилоятидаги 110 кВ кучланишли «Л-Чархий-2» ва «Л-Чилмаҳрам» электр узатиш тармоқларида носозлик юзага келган.
Энергетика вазирлиги хабарига кўра, бунинг натижасида Бағдод, Бувайда, Учкўприк, Бешариқ ҳамда Фурқат туманларидаги истеъмолчилар (6000 та) электр таъминотидан қисман узилган.
Ҳозирги вақтда мазкур носозликлар «Фарғона ҳудудий электр тармоқлари» АЖнинг махсус бригадалари томонидан бартараф этилаётгани айтилади.
