Олимлар дунё океанида симоб улуши 50 йилдан буён пасаймаётганини маълум қилишди
Дунё океанида йиғилган симоб улуши 1970-йилда қандай юқори бўлган бўлса, ҳамон шундайлигича қолмоқда. Бу ҳақда Environmental Science & Technology Letters журнали маълумотларига таяниб, ТАСС хабар берди.
Олимлар дунё океанининг турли ҳудудларидан овланган уч турдаги тропик тунец гўштидаги симоб миқдори бўйича ҳозирга қадар сақланиб қолган маълумотлар ва янги ўтказилган ўлчовларни солиштиришди.
«Барча кўрилган чора-тадбирларга қарамай, ўлчовлар гидросферанинг турли бурчакларида яшаётган тунецлар гўштида симоб улуши 1970-йил бошидан буён ўзгармаганини кўрсатди», – маълум қилишди олимлар.
Қайд этиш лозимки, метил симоб кўплаб денгиз ҳайвонлари, шу жумладан, балиқларнинг ҳам танасида фаол йиғилиб боради, бу уларнинг гўштини инсон танасига заҳар тушишининг асосий каналларидан бирига айлантиради.
