Жанубий Корея прокуратураси собиқ биринчи хонимга айблов қўйди
Жанубий Корея прокуратураси мамлакат собиқ биринчи хоними Ким Гон Хига коррупция, қимматбаҳо қоғозлар билан манипуляция ва сиёсий жараёнларга аралашиш айбловларини қўйди. Бу ҳақда прокурорнинг вакилларига таяниб Yonhap агентлиги хабар берди.
Прокуратура маълумоти кўра, 2010–2021 йиллар давомида Жанубий Кореяда Ким BMW автомобиллари дилери бўлган Deutsch Motors компанияси акциялари нархини сунъий равишда ошириш схемасида иштирок этиб, 800 миллион вондан ортиқ даромад топган.
Бундан ташқари, уни 2022 йилги президентлик сайлови арафасида 270 миллион вонлик бепул ижтимоий сўровномаларни қабул қилганликда айблашмоқда. Бунинг эвазига у ўша йили парламент сайловларига «Халқ кучи» партиясининг собиқ вакилини номзод сифатида кўрсатгани айтилмоқда.
Менга битилган йўлдан чекинмайман ва суд жараёнида хотиржам иштирок этаман. Ҳар қандай айблов бўйича махсус прокурор сўроқларида виждонан қатнашишда давом этаман, — деди собиқ биринчи хоним барча абловларни инкор қилиб.
