Тошкентда Nexia-2 ёниб кетди
Тошкент шаҳри Юнусобод туманида Nexia-2 русмли машина ёниб кетди.
Маълум қилинишича, бугун, 15 ноябрь куни соат 12:12 да Юнусобод тумани Алишер Навоий кўчасидаги «Туркистон» санъат саройи қаршисида ҳаракатланиб кетаётган Nexia-2 русумли машинанинг салон қисмида ёнғин келиб чиққан.
Мазкур ёнғин ҳудудий ФВБ бўлинмалари етиб келгунига қадар, шу ерда хизмат олиб бораётган йўл-патруль хизмати инспекторлари ёрдами билан ўчирилган. Ёнғин оқибатида ҳеч ким тан жароҳати олмаган.
Ҳолат бўйича Тошкент шаҳар ИИББ ЙҲХБ ва ҳудудий ФВБ масъул ходимлари томонидан суриштирув ишлари олиб борилмоқда.
