Ўзбекистонда 1-февралдан нималар ўзгаради?
Кейинги ойнинг бошидан кучга кирадигвн ўзгаришлар нашр этилди.
2024-йилнинг 1-февраль ойидан кучга кирадиган ўзгаришлар рўйхати тайёрланди. Рўйхат Norma.uz портали томонидан тузилган.
Тадбиркорлар барқарорлик рейтинги
Юқори рейтингга эга корхоналар барча текширувлардан озод этилади ва бир қатор устунликларни қўлга киритади.
Импорт электротехника дилерлар томонидан сотилади
Бир қатор электротехника маҳсулотларини Ўзбекистон ҳудудига олиб киришда ваколатли шахслар ёки ишлаб чиқарувчининг расмий дилерлари бўлиши талаб этилади. Улар маҳсулотнинг сифати, хавфсизлиги, сервис кафолатини таъминлаши, шунингдек, сервис хизматига эга бўлиши лозим.
Ижтимоий таъминот
Ёлғиз, ногиронлиги бор қари ёшдаги, қаровчига муҳтож инсонлар Реестрига киритилган шахслар учун давлат томонидан кафолатланган ижтимоий хизматлар шартнома асосида кўрсатилади.
Тадбиркор аёлларни қўллаб-қувватлаш
Ўқув ташкилотларида уй меҳнати ва ҳунармадюндлик билан шуғулланишни бошлаётган аёллар учун ўқув курслари очилади ва уларга Оила ва аёлларни қўллаб-қувватлаш давлат фонди ҳисобидан тажрибали уй меҳнати билан шуғулланувчилар ва ҳунармандлар жалб этилади. Ҳар бир битирувчи аёлга сарфланган ўқув харажатларининг 5 БҲМдан ошмайдиган 70% гача қисми давлат томонидан қопланади.
«Яшил энергетика»
«Яшил энергетика» информацион тизими тўлиқ функцияли режимда ишга туширилади.
Маиший техникани рўйхатдан ўтказиш — маркировкадан кейин
Мажбурий рақамли маркировкадан ўтказилиши лозим бўлган маиший техникани рўйхатдан ўтказиш, мослик сертификатини бериш ва мослик декларациясини рўйхатдан ўтказиш қатъиян тегишли маркировка коди берилгандан сўнг амалга оширилади.
