Олимлар Арктикада ҳаво исиши туфайли қирилиб кетиш хавфи остида қолганини маълум қилишди
Гудзон қўлтиғи ҳудудида яшайдиган оқ айиқлар Арктикада иқлим ўзгариши туфайли ўлим хавфи остида турибди. Бу ҳақда The Guardian хабар берди.
Олимларнинг сўзларига кўра, сув ҳавзасининг муз билан қопланиш даври илгаригидек давомий бўлмагани сабабли йиртқичлар тюленларни илгаригидек самарадорлик билан овлай олмаяпти.
«Арктикада ҳаво ҳарорати дунёнинг бошқа ҳудудларига нисбатан каттароқ тезликда кўтарилиб бормоқда. Шу сабабли сув юзалари йил давомида камроқ вақт муз билан қопланади. Муз бўйлаб ҳаракатланиб тюленларни овлайдиган оқ айиқлар кўпроқ вақт қирғоқда қолишига тўғри келмоқда», – дейилмоқда хабарда.
Айиқлар янги шароитларга мослашишга, ўз рационини янгилашга уриниб, мажбурий равишда ўт-ўланлар, резавор мевалар, чайкалар ва кемирувчиларни истеъмол қилмоқда.
«Қирғоқда истеъмол қилинаётган озиқ-овқат уларни денгиз сут эмизувчиларидан фарқли равишда етарлича калория билан таъминламаяпти», – қайд этишди нашрда.
Олимларнинг фикрига кўра, айиқлар қирғоқда кўпроқ вақт ўтказгани сайин, очликдан нобуд бўлиш хавфи шунча ортмоқда.
