Европа Иттифоқи Россияга қарши санкцияларни яна бир йилга узайтирди
Европа Иттифоқи Россияга қарши санкциялар амал қилиш муддатини 2025-йилнинг 24-февралига қадар узайтирди, хабар берди ТАСС.
Гап Украинанинг Донецк ва Луганск халқ республикалари ва Херсонск ва Запорожье вилоятларининг Россия таркибига киргани билан боғлиқ санкциялар ҳақида кетмоқда.
«Европа Иттифоқи томонидан қабул қилинган барча чораларни ўз кучида сақлаб қолиш ва, зарурат туғилса, қўшимча чораларни кўриш мақсадга мувофиқ», – дейилмоқда хабарда.
Қайд этиш лозимки, Европа Иттифоқи Россияга қарши санкцияларнинг 13-пакетини муҳокама қилмоқда. У санкция рўйхатини кенгайтиришни, қўшимча савдо чекловларини, шунингдек, тақиқларни четлаб ўтиш билан курашиш бўйича чора-тадбирларни кўзда тутади.
