Бухоро шаҳрида Ўқитувчи ва мураббийлар куни муносабати билан 45 нафар педагог рағбатлантирилди (фото)

Бухоро вилояти Бухоро шаҳрида Ўқитувчи ва мураббийлар куни муносабати билан 45 нафар педагог рағбатлантирилди. Бу ҳақда вилоят Халқ таълим бошқармаси матбуот хизмати хабар берди.

Фото: Бухоро вилоят Халқ таълим бошқармаси матбуот хизмати

Маълум қилинишича, Бухоро шаҳар ҳокимлиги ва шаҳар Халқ таълим бўлими ташаббуси билан «Ёшлар маркази»да Ўқитувчи ва мураббийлар кунига бағишланган тадбир ўтказилган.

Фото: Бухоро вилоят Халқ таълим бошқармаси матбуот хизмати

Тадбир аввалида шаҳар ҳокими Ўткир Жумаев байрам муносабати билан соҳа вакилларини табриклаган.

Фото: Бухоро вилоят Халқ таълим бошқармаси матбуот хизмати

Шунингдек, тизимдаги самарали меҳнати, ёш авлодни тарбиялашда қўшган ҳиссаси учун 45 нафар педагог ходимларга шаҳар ҳокимлиги фахрий ёрлиқлари ва эсдалик совғалари топширилган.

Фото: Бухоро вилоят Халқ таълим бошқармаси матбуот хизмати

Тадбир сўнгида шаҳар маданият бўлими томонидан тайёрланган концерт дастури ташриф буюрганларга намойиш этилган.

Фото: Бухоро вилоят Халқ таълим бошқармаси матбуот хизмати

Фото: Бухоро вилоят Халқ таълим бошқармаси матбуот хизмати

Аввалроқ Пешкуда 6 нафар ўқитувчи «Халқ таълими аълочиси» кўкрак нишони билан ва Жондор туманида боғча мудираси «Шуҳрат» медали билан тақдирлангани ҳақида хабар берилган эди. Кейинчалик Қоровулбозорда 37 нафар устоз ва мураббий рағбатлантирилгани ҳамда Қоровулбозорда 24 нафар фуқаро «Меҳр-саховат» кўкрак нишони билан тақдирлангани маълум қилинди.