Ромитанда ҳоким томонидан эҳтиёжманд оилаларга қорамол ҳамда қўй тарқатилди
Бухоро вилояти Ромитан туман ҳокими эҳтиёжманд оилаларни қўллаб-қувватлаш ҳамда моддий-маънавий ёрдам бериш мақсадида фуқароларга қорамол ҳамда қўй тарқатди. Бу ҳақда туман ҳокимлиги ахборот хизмати «Tez News»га хабар берди.
Таъкидланишича, туман ҳокими Тоҳиров Хуршид бошчилигидаги сектор раҳбарлари эҳтиёжманд оилаларни қўллаб-қувватлаш учун чорва молларини тарқатган. Хайрия ишлари давомида битта оилага 4 та қўй, яна бир оилага эса битта соғин сигир берилган. Бу эса кам таъминланган оилаларнинг уйда чорва билан машғул бўлган ҳолда, вақти келганда эса чорва орқали даромадга эга бўлишига имкон беради.
Ромитан туманида кам таъминланган оилаларни қўллаб-қувватлаш, муҳтож оилаларга ижтимоий, моддий-маънавий ёрдам бериш бўйича ишлар давом этмоқда.
Aввалроқ Вобкентдаги айрим маҳаллаларда яшайдиган ижтимоий ҳимояга муҳтож фуқароларга бир марталик озиқ-овқат етказилгани ҳақида хабар берилганди.