Дональд Трамп AҚШда матбуот эркинлиги йўқлигини таъкидлади
Aмерика Қўшма Штатлари президенти Дональд Трамп Шимолий Каролинада бўлиб ўтган сайлов митингида AҚШда матбуот эркинлиги йўқлигини таъкидлади.
Фото: «РБК»
Президентнинг сўзларига кўра, Қўшма Штатларда матбуот жим, бу эркин матбуотнинг мутлақо тескариси. Трампнинг таъкидлашича, оммавий ахборот воситалари AҚШнинг собиқ вице-президенти Байденнинг коррупцияси ҳақида ёзмаяпти, жим турибди.
«Бизда матбуот эркинлиги йўқ. Ва, эҳтимол, узоқ вақтдан бери, биз айтганимиздек, матбуот эркинлиги Aмерика услубида бўлган. Бизда матбуот жим. Бу матбуот эркинлигига мутлақо зиддир», — дейди AҚШ президенти.
Маълумот учун, AҚШда президент сайлови 3 ноябрь куни бўлиб ўтади. Мамлакат Демократик партиясидан AҚШнинг собиқ вице-президенти Жо Байден, республикачилардан эса амалдаги давлат раҳбари Дональд Трамп иштирок этади.
Aввалроқ Дональд Трамп коронавирусдан бутунлай соғайгани ҳақида хабар қилинганди.
