Россиялик блогернинг ҳомиладор севгилиси жонли эфир вақтида вафот этди — видео
Россиялик блогер Стас Решетников (Reeflay)нинг 2 декабрдаги жонли эфири вақтида ҳомиладор севгилиси вафот этди. Бу ҳақда «Mash» Telegram канали хабар берди.
Фото: Telegram
Маълумотларга кўра, терговчилар Решетниковни сўроқ қилган. У қизни «ҳидланиб қолмаслиги учун» уйдан чиқарганини айтган. Унинг сўзларига кўра, ҳомиладор қиз ичак касаллиги билан оғриган. Йигит уни балконга деярли кийимсиз чиқариб қўйган. У кўчада деярли бир неча соат кийимсиз юрган.
Қиз ташқари жуда совуқ эканини айтиб, ундан уйга киритишни илтимос қилган. Лекин йигит эшикни очмаган. Кўп ўтмай, қиз, дастлабки маълумотларга кўра, оғир гипотермиядан вафот этган.
Аввалига Решетников қиз шунчаки совуқдан қотиб қолди, деб ўйлаган. Жонли эфир пайтида йигит қизнинг ҳушсиз ётганини кўрган, аммо кейин Стас бу масала анча жиддий эканлигини англаб, тез ёрдам чақирган. Аммо қиз бу пайтда ўлиб бўлган. Келган шифокорлар қизга ҳеч қандай ёрдам бера олмаган. Блогер эса тергов бўлимига олиб борилган.
Хабарга кўра, вафот этган қиз ҳақида ҳозирча кўп нарса маълум эмас. Интернетдаги айрим маълумотларга қараганда, қиз тахминан 26–30 ёшда, исми эса Валентина. Қизнинг Краснодардан экани тахмин қилинган. Шунингдек, Валентина бир йил давомида блогер Reeflay билан ўзаро яқин муносабатда бўлгани айтилган.
