Енгил автомобилдан юк машинасигача — Ўзбекистонда янги автомобиль моделлари ишлаб чиқарилиши кутилмоқда
Ўзбекистонда 2021–2023 йилларда янги автомобиль моделлари ишлаб чиқарилиши кутилмоқда. Бу ҳақда «Газета.uz» хабар берди.
![](https://teznews.uz/wp-content/uploads/2021/01/photo_2020-10-07_14-13-59.jpg)
Фото: «Tez News»
Қайд этилишича, Президентнинг 2021–2023 йилларга мўлжалланган Инвестиция дастурини амалга ошириш бўйича қарорига кўра, мамлакатда 7 та компания томонидан автомобиль ишлаб чиқарилиши кўзда тутилган.
Булардан:
- «Navoi-Motors» ХК (пикап, кичик юк машиналари, минивен, йўл танламас, электромобиль, тракторлар);
- «Манас авто-саноат» МЧЖ (юк машиналари);
- «Namangan changan motors» МЧЖ (енгил автомобиллар);
- «ADM Jizzakh» МЧЖ (Lada, Kia, Renault);
- «Auto Motors Asia» МЧЖ (кроссоверлар, юк автомашиналари, микроавтобуслар);
- «Аббос-Эко Агро» МЧЖ (енгил автомобиль, минивен, кичик юк автомобиллари);
- «Hyundai Motor Uz Namangan» МЧЖ (тижорат юк автомобиллари).
Лойиҳаларнинг умумий қиймати 334,9 миллион доллар миқдорида баҳоланмоқда.
Мавзуга доир:
Аввалроқ Жиззахда ноябрдан «КIА» автомобилларининг янги моделлари ишлаб чиқарилиши ҳақида хабар берилганди. Шунингдек, Наманганда «Changan» бренди остида кичик юк автомобиллари ишлаб чиқарилиши хабар қилинган.