Ўзбекистонда 5 сентябрь куни 295 кишида коронавирус аниқланди. 4 нафар бемор вафот этди

Ўзбекистонда 5 сентябрь соат 23:30 ҳолатига кўра, коронавирус инфекцияси қайд этилганлар сони 43 370 (+77) нафарни ташкил этмоқда. Бу ҳақда Соғлиқни сақлаш вазирлиги хабар берди.

Фото: «Tez News»

Янги касалланиш ҳолатлари

Маълум қилинишича, янги касалланиш ҳолатларининг 47 нафари Тошкент вилоятида, 27 нафари Тошкент шаҳрида ҳамда 3 нафари Фарғона вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кунлик касалланишлар

Мамлакатда 5 сентябрь куни 295 ҳолатда касаллик қайд этилган бўлиб, барчаси тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Ўлим ҳолатлари

Ўзбекистонда коронавирусдан вафот этганлар сони 343 нафарга етди. 5 сентябрь куни Тошкент шаҳрида 3 нафар, Тошкент вилоятида 1 нафар коронавирусга чалинган бемор вафот этди.

• Биринчи ўлим: Шайхонтоҳур туманида яшаган 72 ёшли Х.С. (эркак) вафот этди.
• Иккинчи ўлим: Олмазор туманида яшаган 73 ёшли Л.Ш. (аёл) вафот этди.
• Учинчи ўлим: Учтепа туманида яшаган 64 ёшли А.К. (эркак) вафот этди.
• Тўртинчи ўлим: Зангиота туманида яшаган 54 ёшли Ф.У. (аёл) вафот этди.

Кунлик соғайганлар

Тошкент шаҳри, Қорақалпоғистон Республикаси, Тошкент, Қашқадарё, Самарқанд, Наманган ҳамда Андижон вилоятларида жами 448 нафар бемор соғайди.

Мамлакатдаги вазият

Ҳозирда касаллик қайд этилган жами 43 370 нафар бемордан 40 880 нафари тузалиб, соғайиш кўрсаткичи 94 фоизни ташкил этмоқда.

Aйни пайтда тиббиёт муассасаларида даволанаётган 2147 нафар бемордан 366 нафари оғир, 198 нафари эса ўта оғир аҳволда.

Эслатиб ўтамиз, 4 сентябрь куни 278 кишида коронавирус аниқланган, 5 нафар бемор вафот этган.