Андижон туманида 6 км масофага ичимлик суви тармоғи тортиш учун 1 млрд сўмдан зиёд маблағ сарфланди
Андижон туманида 6 километр масофага ичимлик суви тармоғи тортиш учун 1 миллиард сўмдан зиёд маблағ сарфланди. Бу ҳақда туман ҳокмлиги матбуот хизмати хабар берди.
Фото: Андижон туман ҳокимлиги матбуот хизмати
Маълум қилинишича, «Орол» маҳалла фуқаролар йиғини Тараққиёт кўчасига вилоят маҳаллий буджети ҳисобидан 1 миллиард 200 минг сўм ажратилиб, 6 километр масофадан сув тармоғи тортилган. Ҳозирда сув минорасини ўрнатиш ишлари амалга оширилмоқда.
Фото: Андижон туман ҳокимлиги матбуот хизмати
Таъкидланишича, ушбу кўчага 7 ноябрь, шанба куни 1 та трансформатор ўрнатилган. Шунингдек, мазкур ҳудуддаги 80 та хонадонга 45 та бетон таянч ҳам ўрнатилган.
Фото: Андижон туман ҳокимлиги матбуот хизмати
Фото: Андижон туман ҳокимлиги матбуот хизмати
Хабарга кўра, мазкур ишларнинг ташаббускори Олий Мажлис Сенат аъзоси Матлуба Ғаниева экани қайд этилган.
Мавзуга доир:
Бундан аввал Пахтаободда қудуқ таъмирланиши натижасида 230 та хонадон ичимлик суви билан таъминлангани ҳақида хабар қилинган эди. Кейинчалик Хўжаободда 600 та хонадон тоза ичимлик суви билан таъминлангани маълум қилинганди.
