Фото: Instagram
Полиция ҳисоботига кўра, қўшнилар эшик тақиллашидан кейин уйғониб кетган ва аёл овозини эшитган: «У мени ўлдирмоқчи. Илтимос, синглимга ёрдам беринг». Ривера эса, қўшниларига ҳаммаси жойида эканини айтган ва эшикни ёпган. Шундан кейин у қочиб кетган.
Спортчининг 22 ёшли синглиси бел, бош ва қўлидан пичоқ жароҳатини олган. Опа-сингилларнинг каттасида эса юз, бел, қўл, кафт ва ўпкасида жароҳатлар аниқланган. Опа-сингиллар тезда шифохонага етказилган, улардан бирининг ҳолати яхши, бошқаси эса оғир аҳволда. Полиция Риверани қўлга олишга муваффақ бўлган. Спортчи икки аёлни ўлган деб ўйлаган. Тергов жараёнида у ўз айбини тан олган. Яккакурашчига қотилликка уриниш айби қўйилган, ҳозирда қамоқда сақланмоқда.
Маълумот учун, Ривера 2020 йилнинг май ойида UFC’да дебют қилган ва дастлабки жангида мағлуб бўлганди. Кейинчалик у август ва сентябрь ойларида яна октагонга кўтарилди ва уларда биттадан ғалаба ҳамда мағлубият қайд этди.
Аввалроқ Бекободда мардикор эркак танишини салом бермагани учун пичоқлаб қўйгани, Қашқадарёда 16 ёшли бола каклик қопқони сабаб тенгдошини пичоқлагани ҳақида хабар берилганди.
