Бухорода йўл ҳаракати қоидасини бузган автобус ҳайдовчилари жазоланди

Бухоро шаҳрида йўл ҳаракати қоидасини бузган ҳайдовчилар жазоланди. Бу ҳақда ЙҲХББ маълум қилди.

Бош бошқармага кўра, ижтимоий тармоқларда шаҳарнинг марказий кўчаларидан бирида «Isuzu» русумли иккита йўловчи ташувчи автобус йўл ҳаракати қоидаларининг 31-бандида белгиланган талабларга амал қилмасдан, светофорнинг қизил чироғида ҳаракатланганлиги ҳолати акс этган видео-лавҳа тарқалган.

Ҳолат юзасидан шаҳар ИИО ФМБ ЙҲХБ ходимлари томонидан суриштирув ишлари олиб борилиб, ҳар бир ҳайдовчига нисбатан БҲМнинг 2 баравари – 490 000 сўм жарима жазоси қўлланган.

Мавзуга доир: