Наманганда 9 кишида коронавирус аниқланди

Наманган вилоятида 11 август ҳолатига кўра, коронавирусга чалинганлар сони 9 нафарга ортиб, 789 нафарни ташкил этмоқда. Бу ҳақда Соғлиқни сақлаш вазирлиги хабар берди.

Маълум қилинишича, янги касалланиш ҳолатларининг 9 таси Наманган вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шундай қилиб, Наманганда коронавирусга чалинганлар сони 789 нафарга етди. Шулардан 722 нафари касалликдан соғайган. Вилоятда 5 киши коронавирусдан вафот этган.

Эслатиб ўтамиз, аввалроқ 11 августдан Наманганда карантин чоралари юмшатилиб, 30 кишилик тўйлар ва боғчалар фаолиятига рухсат берилгани маълум қилинганди.

Шунингдек, Ўзбекистонда коронавирусга чалинганлар сони 32 000 нафарга яқинлашгани хабар қилинди.