Сергелида йирик ёнғин содир бўлди — видео
Тошкент шаҳри Сергели туманидаги ишлаб чиқариш объектларидан бирида йирик ёнғин юз берди.
Видео: zamonuz
Хабарга кўра, 15 апрел куни соат 23:08 да Фавқулодда вазиятлар вазирлигининг бошқармасига Сергели туманида жойлашган полиэтилен маҳсулотларини ишлаб чиқариш цехида ёнғин содир бўлганлиги тўғрисида хабар берилган. Воқеа жойига ФВВнинг 12 та ёнғин-қутқарув бригадаси етиб борган. Ёнғин тахминан 1000 квадрат метр майдонни қамраб олган.
Қайд этилишича, 16 апрел соат 00:10 ларда ёнғин қуршаб олинган ва соат 02:05 да эса ўчирилган.
Таъкидланишича, ёнғин натижасида ҳалок бўлганлар ва жароҳатланганлар йўқ.
Ёнғин сабаблари, шунингдек, моддий зарар миқдори мутахассислар томонидан аниқланмоқда.