Тошкентда суратга олиш жараёнидан бехабар отахон калтакланаётган йигитга ёрдам бермоқчи бўлди (видео)

Тошкент шаҳрида суратга олиш жараёнларидан бехабар кекса отахон калтакланаётган йигитга ёрдам бермоқчи бўлгани акс этган видео ижтимоий тармоқларда тарқалди.

Видеодан маълум бўлишича, йўлнинг четида актёр ўқувчи каби кийинган кўзойнакли йигитни калтаклаётган саҳна ижодий гуруҳ томонидан суратга олинаётган бўлган. Буни кўрган отахон қарама-қарши томондан юриб келиб, актёр йигитнинг ёнига борган ва елкасидан ушлаган. Видеода отахон ушбу ҳолат ростдан содир бўлаётган, деб ўйлаган.

Кадр: Telegram

Сўнгра ижодий гуруҳ аъзолари кекса отахоннинг ёнига келган ва суратга олиш ишлари амалга оширилаётганини тушунтирган.