Наманганда эр-хотин ва уларнинг икки вояга етмаган қизлари ис газидан заҳарланиб вафот этди
Наманганда эр-хотин ва уларнинг икки қизи ис газидан заҳарланиб, вафот этди.
Маълум қилинишича, шу уйда яшовчи 1975 йилда туғилган М.М., унинг 1982 йилда туғилган аёл К.К. ҳамда уларнинг 2004 ва 2009 йилда туғилган қизлари ошхонадаги газ плита орқали резина шланг билан завод усулида тайёрланган «Эрон печкаси»га уланиб, печкадан табиий газ иси чиқиши оқибатида заҳарланиб, вафот этишган.
Дастлабки маълумотда марҳумларнинг ўлими ис газидан организмнинг умумий заҳарланиши оқибатида юзага келганлиги кўрсатилган.
Уларнинг ўлим сабабларини аниқлаш мақсадида суд-тиббий ва бошқа турдаги тегишли экспертизалар тайинланди. Ҳозирда ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
