Ўзбекистон мобиль интернет тезлиги бўйича жаҳон рейтингида нечанчи ўринни эгаллагани маълум қилинди
Ўзбекистон мобиль интернет тезлиги бўйича жаҳон рейтингида 128-ўринни эгаллагани маълум бўлди. Бу ҳақда «Узрепорт» хабар берди.
Фото: loccalleap.com
Хабарга кўра, рейтингда жами 140 мамлакат иштирок этган. Speedtest.net 2021 йил январь ойи якунлари бўйича Speedtest Global Index ойлик рейтингида Ўзбекистонда мобиль интернет тезлиги ошганлигини кўрсатган.
2021 йил январь ойи маълумотларига кўра, барқарор интернет тезлиги (Fixed Broadband) бўйича умумий рейтингда Ўзбекистон 94-ўринни эгаллаган.
Қайд этилишича, Ўзбекистонда маълумотларни юклаб олиш тезлиги 34,62 Мбит/с.ни ташкил этади.Шунингдек, мобиль интернет ишлаш кўрсаткичлари ҳам яхшиланган. 2021 йил январь ойи якунлари бўйича республикада мобиль интернет тезлиги 12,94 Мбит/с.ни ташкил этган. Бу кўрсаткич 2 пунк бўйича юқорига кўтарилган ва Ўзбекистон 128-ўринни эгаллаган.
