Ўзбекистонда автомобиль ишлаб чиқариш ҳажми ҳақидаги маълумотлар эълон қилинди
Давлат статистика қўмитаси ўтган 11 ой давомида Ўзбекистонда автомобиль ишлаб чиқариш ҳажми ҳақидаги маълумотларни эълон қилди.
Фото: «Tez News»
Қайд этилишича, 2020 йилнинг январь–ноябрь ойларида Ўзбекистонда 260 862 дона автомобиль ишлаб чиқарилди. Бу 2019 йилнинг (253 421 дона) мос даврига нисбатан 7 441 тага кўп. Автомобиль ишлаб чиқариш саноатида 2020 йил январь-ноябрь ойларида 73 871 дона Cобалт, 62 302 дона Нехиа Т-250, 45 835 дона Лаcэтти-Гентра, 48 284 дона Дамас, 22 458 дона Спарк ҳамда 8 112 дона Лабо автомобили ишлаб чиқарилган. 2020 йилда юк автомобилларини ишлаб чиқариш 1330 донага камайган. 2019 йилда – 5 056 дона, 2020 йилда – 3 726. Автомобиль двигателларини ишлаб чиқариш эса 24 мингга кўпайди. 2019 йилда 186,4 минг дона двигатель чиқарилган бўлса, 2020 йилда бу кўрсаткич 210,4 мингтага етган.
Аввалроқ Ўзбекистонга импорт қилинган машиналар ҳақидаги маълумотлар очиқлангани ҳақида хабар берилган.
Бундан ташқари, Жиззахда ноябрдан «KIA» автомобилларининг янги моделлари ишлаб чиқарилиши ҳақида хабар берилганди. Шунигдек, Наманганда «Changan» бренди остида кичик юк автомобиллари ишлаб чиқарилиши хабар қилинган. Кейинчалик Ўзбекистонда «ŠKODA» брендидаги автомобиллар октябрь ойида тақдим этилиши маълум қилинган. Шунигдек, Ўзбекистонда «Bentley» электромобиллари ишлаб чиқарилиши мумкинлиги хабар қилинган.
