Трамп учинчи жаҳон урушининг олдини олишини маълум қилди
АҚШнинг собиқ президенти Дональд Трамп учинчи жаҳон урушининг олдини олиши мумкинлигини айтди. Унинг сўзларини ТАСС келтириб ўтди.
«Мен учинчи жаҳон урушининг олдини оламан. Биз учинчи жаҳон урушига жуда яқин турибмиз ва бу бошқаларига ўхшамайдиган уруш бўлади», – маълум қилди давлатнинг собиқ раҳбари.
Трамп Оқ уйдаги Овал кабинетга кирмасидан, тинчликни тиклашини, шунингдек, Украина ва Россия ўртасидаги зиддиятни ҳал қила олишини таъкидлади.
Бунга қадар Трамп президентликка қайта сайланса, Украинадаги зиддиятни 24 соат ичида ҳал қила олишини айтганди.
