Тошкентдаги мебель цехида ёнғин содир бўлди
Ҳодиса оқибатида жабрланган ва ҳалок бўлганлар йўқ, деб хабар бермоқда ФВВ матбуот хизмати.
Фото: uzsputniknews.ru
Хабарга кўра, 23 июль куни соат 18:45да Тошкент шаҳар Олмазор тумани Чуқурсой кўчасида жойлашган мебель ишлаб чиқариш цехида ёнғин содир бўлган.
Таъкидланишича, ёнғин-қутқарув экипажлари соат 18:56 да воқеа жойига етиб бориб, соат 19:17да ёнғин ўраб олинган ва соат 20:12 да батамом ўчирилган.
Қайд этилишича, ёнғинни ўчиришга 8 та ёнғин-қутқарув экипажи жалб этилган. Ҳозирда ёнғин сабаби ва келтирилган зарар миқдори аниқланмоқда.
Аввалроқ, Тошкент вилоятидаги заводда ёнғин содир бўлган эди.
