Фарғонада 28 дона iPhone 15’ни мамлакатга ноқонуний олиб киришга уришган шахслар ушланди
Фарғонада ҳуқуқни муҳофаза қилувчи орган ходимлари томонидан ўтказилган тезкор тадбир давомида «Водил-Марғилон» йўналишида ҳаракатланаётган фуқаро бошқарувидаги Lacetti машинаси Фарғона шаҳри Қиргули мавзесида белгиланган тартибда тўхтатилиб, холислар иштирокида кўздан кечирилди.
Кўздан кечириш натижасида, автомашина салонининг 3 та жойига ва ҳайдовчи кийимлари ичига яширилган, хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган, умумий қиймати 394 миллион сўмлик 3 турдаги жами 28 дона IPHONE 15 уяли алоқа воситалари борлиги аниқланиб ашёвий далил тариқасида вақтинча сақловга олинди.
Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
