Эквадорда қамоқлардаги қўзғолонлардан сўнг 10 мингдан ортиқ одам қўлга олинди
Эквадорда 2024-йил январь бошида қамоқхоналардаги қўзғолонлар натижасида содир бўлган қуролли тартибсизликларда иштирок этганликда гумон қилинаётган 10 минг нафардан ортиқ одам қўлга олинди. Бу ҳақда ТАСС хабар берди.
«9-январдан 25-февралга қадар 10 134 нафар одам қўлга олинди, улардан 268 нафари терроризмда гумон қилинмоқда», – дейилган хабарда.
Жиноятчиликка қарши операцияларда 126 минг нафар ҳуқуқ-тартибот ходимлари иштирок этди. Улар салкам 3 мингта ўқотар қурол, 20 мингта портловчи қурилма ва 64 тонна наркотик моддаларни мусодара қилишди.
«Асирга олинган полиция ходимлари ва ахлоқ тузатиш муассасалари сони 210 тадан ортиқ», – дейилган хабар матнида.
Қайд этиш лозимки, Эквадорнинг хавфсизлик соҳасидаги вазият 7-январь куни «Лос-Чонерос» номли жиноий уюшманинг Фито лақабли бошлиғи қамоқдан қочиб кетганидан сўнг кескинлашди.
