Ўзбекистонда блогер «иккинчи хотини»нинг 11 ёшли қизини зўрлади
Ўзбекистонда 11 ёшли қизга жинсий тажовуз қилган эркак қўлга олинди. Бу ҳақда Миллий ижтимоий ҳимоя агентлиги матбуот хизмати хабар берди.
Аниқлик киритилишича, 31 ёшли блогер «иккинчи хотини»нинг 11 ёшли қизини мунтазам зўрлаб келган.
Энг даҳшатлиси, блогер ниқоби остидаги бу кимса қонуний хотини бўла туриб, бошқа бир эркак билан расмий никоҳи бекор қилинмаган аёлни ўзига иккинчи хотин қилиб олган. Шу билан ҳам қониқмай, иккинчи хотинининг вояга етмаган (11 яшар) қизини ҳам мунтазам зўрлаб келган, –дейилади хабарда.
Мазкур ҳолат юзасидан Жиноят кодексининг 119-моддаси 4-қисми (жинсий эҳтиёжини зўрлик ишлатиб ғайритабиий усулда ўн тўрт ёшга тўлмаган шахсга нисбатан қондириш) билан жиноят иши қўзғатилган.
Ҳозирда ижтимоий ҳимоя агентлиги жабрланувчи қизга тиббий, психологик ёрдам кўрсатмоқда.
