Самарқанд халқаро аэропортида жангавор ўқли патрон олиб ўтмоқчи бўлган шахс қўлга олинди
Самарқанд халқаро аэропортида 5,45 миллиметрли ўқли патронни олиб ўтмоқчи бўлган шахс қўлга олинди. Бу ҳақда божхона матбуот хизмати хабар беради.
Аниқланишича, йўловчи Москвага кетаётган бўлган ва унинг юкини кўздан кечириш чоғида божхонада декларациядан ўтказилмаган патрон аниқланган.
Қўлга олинган шахсга нисбатан Ўзбекистон Республикаси Жиноят кодексининг 246-моддаси (Контрабанда) билан жиноят иши қўзғатилиб, унга кўра 5 йилдан 10 йилгача озодликдан маҳрум қилиш жазоси кутилмоқда.
Ҳозирда, ҳолат юзасидан тергов ҳаракатлари олиб борилмоқда.
