Бектемир туманида бир эркакнинг жасади топилди
Тошкент шаҳрининг Бектемир туманида бир эркакнинг жасади, тан жароҳатлари билан топилди. Бу ҳақда Бош прокуратура матбуот хизмати ҳабар беради.
Аниқланишича, 1 июль куни соат 06:00 ларда Олтинтопган кўчасида жойлашган уй олдидаги майсазордан 40 ёшли самарқандлик эркакни жасади топилган.
Фуқаронинг жасадида билак, бўйин ва чап сонда жароҳатлар борлиги ва воқеа жойида қон излари билан пичоқ топилганлиги ҳабар қилинган.
Воқеа гувоҳларидан бирининг сўзларига кўра, марҳум ўлими арафасида спиртли ичимлик истеъмол қилган ва ўз жонига қасд қилмоқчилиги ҳақида гапирган.
Эркак ўз жонига қасд қилган бўлиши ҳам мумкин. Ҳозирда ҳуқуқ-тартибот идоралари ходимлари томонидан тергов ҳаракатлари олиб борилмоқда.
