Роналдунинг ҳам ўзбек зар чопонида тушган фотоси эълон қилинди
Таниқли футболчи Криштиану Роналдунинг рафиқаси ўзбек зар чопонида тушган суратини эълон қилган эди. Шундан сўнг Роналдунинг ҳам мана шундай чопонда тушган фотоси эълон қилинди.
Фото: «bukmeretov.net»
Чарм тўп устаси Роналду эркакларнинг ўзбек зар чопонини кийиб суратга тушган. Ушбу сурат ижтимоий тармоққа жойлангач, ҳеч қанча вақт ўтмай, минглаб like йиға бошлаган.
Эслатиб ўтамиз, Криштиану Роналдунинг рафиқаси, модель Жоржина Родригез 26 декабрь куни Instagram’да қўлда ишланган ўзбек чoпoнини кийиб олган суратини жойлаштирган. Шунингдек, фотосуратга у «Ўзбекистонда муҳаббат билан қўлда ишланган», дея изоҳ қолдирган.
Жоржина Родригез — футболчи Криштиану Роналдунинг рафиқаси, унинг болаларидан бирининг онаси. Роналдунинг тўрт фарзанди бор, улардан учтаси суррогат оналардан туғилган.
