Бухородаги учта майдонда тест синовлари олдидан тайёргарлик ўқув-машғулот ўтказилди (фото)
Бухоро вилоятида 29 август, шанба куни тест синовлари ўтказилиши белгиланган очиқ майдонларда тайёргарлик ўқув-машғулот ўтказилди. Бу ҳақда Бухоро вилояти ҳокимлиги матбуот хизмати хабар берди.
Фото: Бухоро вилояти ҳокимлиги матбуот хизмати
Қайд этилишича, «Бухоро» спорт мажмуаси, «Умид» спорт соғломлаштириш маркази ўйингоҳлари, «Дилкушо» теннис спорт мажмуаси кортларида шартли абитуриентлар иштирокида тест синовлари ўтказилган. Шартли тест синовлари ўтадиган жойларда зарур шароитлар яратилиб, ҳудудга киришда назорат постлари ташкил қилинган.
Мавзуга доир: Бухорода ОТМларга кириш имтиҳонлари ўтказиладиган ҳудудларнинг геожойлашуви эълон қилинди
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Шунингдек, дезинфекция туннеллари, кузатув камералари, шахсни идентификациялаш воситалари, видеофиксация қурилмалари абитуриентлар иштирокида апробациядан ўтказилган. Абитуриентларга кириш постларида тиббий ниқоб, қўлқоп, шартли тест саволлари тарқатилган.
Хабарда айтилишича, жараён вилоят ҳокимлиги, Санитария-эпидемиология осойишталик маркази, ички ишлар бошқармаси, Миллий гвардия, соғлиқни сақлаш бошқармаси, ДТМнинг вилоят бўлими ва бошқа масьул ташкилотлар вакиллари томонидан назорат қилиб борилган.
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Фото: Бухоро вилояти ҳокимлиги матбуот хизмати
Аввалроқ Андижонда тест синовлари олдидан тайёргарлик ўқув-машғулот ўтказилгани ҳақида хабар берилганди.
