Ўзбекистон президентининг иқтисодий сиёсат бўйича маслаҳатчисига янги ўринбосар тайинланди

Тегишли лавозимни Алишер Кучиев эгаллади

Алишер Исматович Кучиев Ўзбекистон Республикаси Президентининг иқтисодий сиёсат бўйича маслаҳатчиси ўринбосари лавозимига тайинланди.

Тайинлов Ўзбекистон президенти Администрацияси раҳбарининг фармойиши билан амалга оширилди.

Алишер Кучиев тайинловга қадар икки йилдан ортиқ вақт давомида Осиё инфратузилмавий инвестициялар банкида фаолият юритган.

Эслатиб ўтамиз, октябрь ойи бошида Камолиддин Мардонов Президентнинг иқтисодий сиёсат бўйича маслаҳатчиси лавозимига тайинланган эди.