Ангела Меркел Германиядаги энг машҳур сиёсатчи мақомини бой берди
Германия канцлери Ангела Меркел энди мамлакатдаги энг машҳур сиёсатчи эмас. Бу ҳақда «Кантар» таҳлил компанияси томонидан ўтказилган ижтимоий сўровномага асосланиб, «Bild am Sonntag» хабар берди.
Фото: «qz.com»
Сўров натижаларига кўра, фуқароларнинг ярмидан кўпи (52 фоизи) Германия соғлиқни сақлаш вазири Енс Шпаннинг сиёсатдаги ўрнини қўллаб-қувватлаган. 2020 йилда унинг рейтинги 34 фоизга кўтарилган. Немисларнинг кўпчилиги Германия пандемия даврида яхши натижаларга эришаётганини таъкидлаган ва бунда вазирнинг тутган ўрнини эътироф этган.
Мамлакатнинг 66 ёшли канцлери Меркелнинг рейтинги ҳам йил давомида кўтарилган, аммо атиги 11 фоизга ўсган, холос. Шундай қилиб, Меркел Германиядаги энг машҳур сиёсатчи мақомини бой берган.
Аввалроқ Ангела Меркел мамлакат иқтисодиёти коронавирус туфайли янги чекловларга тайёр эмаслигини айтган эди.
