Стратегик ривожланиш агентлигига раҳбар тайинланди
Президент қарори билан инвестициялар ва ташқи савдо вазирининг биринчи ўринбосари Лазиз Шавкатович Кудратов зиммасига Стратегик ривожланиш агентлиги Бош директори вазифаси юклатилди. Бу ҳақда Инвестициялар ва ташқи савдо вазирлиги маълум қилди.
Фото: Инвестициялар ва ташқи савдо вазирлиги
Хабарга кўра, Лазиз Қудратов 1981 йил Тошкент шаҳрида туғилган. Тошкент давлат Шарқшунослик институти ва Хосей университетини (Япония) битирган.
Қайд этилишича, Лазиз Кудратов бир вақтнинг ўзида инвестициялар ва ташқи савдо вазирининг биринчи ўринбосари лавозимида фаолият юритади.
