Ўзбекистонда ҳафта охирида ҳавонинг кескин совиши кутилмоқда
13-14 март кунлари республика ҳудудида об-ҳавонинг кескин совиши кутилмоқда. Бу ҳақда Гидрометеорология маркази маълум қилди.
Хабарга кўра, Қорақалпоғистон ва Хоразмда ҳаво ўзгариб туради, ҳафта давомида ёғингарчилик (ёмғир, қор) кутилади. Ҳарорат 9-14 даража иссиқдан 10-15 даража совуққача пасаяди.
Бухоро ва Навоий вилоятларида ҳаво ўзгариб туради. Шамол шарқдан 7-12 м/с тезликда эсади, баъзи жойларда 15-20 м/с гача кучайиши мумкин. Ҳарорат кечаси 0-5 даража совуқ, кундузи 0-5 даража илиққача ўзгаради.
Таъкидланишича, Тошкент, Самарқанд, Жиззах ва Сирдарё вилоятларидаҳаво ўзгариб туради. Ҳарорат ҳафта давомида 17-22 даража иссиқдан 2-3 даражагача совуқ бўлади.
Қашқадарё ва Сурхондарё вилоятларида ҳарорат ҳафта давомида 17-23 даража илиқ, 13-14 март кунлари 2-3 даража совуқ бўлади.
Андижон, Наманган ва Фарғона вилоятларидаҳаво ўзгариб туради. Ҳарорат кечаси 15-20 даража илиқ, ҳафта охирида эса 2-3 даражагача илиқ бўлади.