Угандада автобуслар тўқнашуви сабаб 63 киши ҳалок бўлди
Уганда марказида тўртта автомобилнинг тўқнашуви оқибатида камида 63 киши ҳалок бўлди. Бу ҳақда маҳаллий полицияга таяниб ТАСС хабар бермоқда.
Маълумотларга кўра, ЙТҲ 22-октабр куни маҳаллий вақт билан соат 00:15 да Киталеба қишлоғи яқинида содир бўлган.
Аниқланишича, автобуслардан бирининг ҳайдовчиси юк машинасини қувиб ўтмоқчи бўлган, яна бир автобус хам қарама-қарши бўлакда худди шундай иш тутган. Натижада иккита автобус тўқнашиб кетган.
Ҳайдовчилардан бири автоҳалокатнинг олдини олишга уринган, бироқ унинг ҳаракатлари занжирли реакцияга сабаб бўлган.
Шундан сўнг, бошқа автомобиллар бошқарувни йўқотиб, бир неча бор ағдарилиб кетган. Воқеа жойига етиб келган полиция ходимлари жароҳатланганларни шифохонага етказган.
