Сирдарёда одам савдоси билан шуғулланган аёл ушланди
Сирдарё вилоятида ҳуқуқ-тартибот идоралари ходимлари уч нафар қўшнисини фоҳишалик учун хорижга сотмоқчи бўлган аёлни қўлга олди. Бу ҳақда Олий суд матбуот ҳизмати хабар бермоқда.
Аниқланишича, ҳуқуқ-тартибот идоралари ходимлари аёлни 3 нафар таниши билан чегара постида тўхтатишган.
Сўров вақтида, аёл уларни ўз қўшнилари деб таништирган.
Бироқ, 2024 йилнинг апрель ойида аёл Россиядан Ўзбекистонга қайтиб келгани ва кам таъминланган қўшниларининг ишончига кириб, уларни хорижда фоҳишалик билан шуғулланиш эвазига, яхшигина пул ишлашлари мумкинлигига ишонтирган.
Судда айбланувчи бу таклифга жабрланувчиларнинг ўзлари рози бўлганини айтиб, жазосини енгиллаштиришни сўраган.
Натижада, аёлга нисбатан жиноят иши қўзғатилиб, унга 3 йилу 6 ой қамоқ жазоси тайинланган.
