Инсоният 30 йилдан кейин қандай муаммога дуч келиши айтилди

Дунё аҳолиси 2050 йилга бориб 9 миллиард кишига кўпаяди, бунча одамни боқиш учун икки баробар кўп оқсил керак бўлади.

Келтирилишича, Сколково фан ва технология институти профессори, рақамли қишлоқ хўжалиги лабораторияси раҳбари Лоран Генцбиттель бу бўйича маълумот берган. У оқсил келажакда юзага келадиган муаммо бўлиб, олимлар унинг устида ишлаётганини айтган. Улар ҳашаротлар асосида ёки ўсимликларнинг маҳсулдорлигини ошириш орқали оқсилли озиқа олишга ҳаракат қилмоқда.

«2050 йилга бориб инсоният оқсил ишлаб чиқаришни икки баробарга ошириши керак. Прогнозларга кўра, 2050 йилга бориб одамлар сони 9 миллиардга етади, озиқ-овқат учун эса кўпроқ оқсил керак бўлади», — деган Генцбиттель.

Шунингдек, у Европада одамлар анъанавий тарзда буғдой ва ясмиқни истеъмол қилиши, аммо Жанубий Осиё ёки Африка каби бошқа минтақаларда одамлар асосан гуруч ва нўхат истеъмол қилишини айтган.

Янгиликлар