Ўзбекистонда газ тўлдириш шохобчалари фаолиятига чекловлар ўрнатилади
Ўзбекистондаги автомобилларга газ тўлдириш шохобчалари фаолиятига вақтинчалик чекловлар ўрнатилади.
Маълум бўлишича, 26 январдан автомобилларга газ тўлдириш компрессор станциялари фаолиятига вақтинчалик чекловлар киритилади. Шу билан бирга, юридик истеъмолчиларга ҳам табиий газ етказиб бериш тўхтатилади.
Ишлаб чиқарилаётган табиий газ тўлиқ ҳажмда ИЭС, ижтимоий соҳа объектлари ва аҳоли истеъмолчиларига йўналтирилади.
«Бундан асосий мақсад, биринчи навбатда, аҳолини энергия ресурслари билан узлуксиз таъминлаш ҳисобланади», — дейди вазирлик матбуот котиби.
