Ўзбекистон электрон тижорат ривожи учун логистика марказлари очилади
Электрон тижорат билан шуғулланувчи тадбиркорларга қулайлик яратиш учун Тошкент шаҳрида, Андижон вилоятининг Асака туманида, Бухоро вилоятининг Вобкент туманида ва Хоразм вилоятининг Урганч шаҳрида 4 та логистика маркази қурилиши бошланди.
Таъкидланишича, қурилиш ишларини йил охирига қадар якунлаш режалаштирилган.
«Мазкур логистика марказлари, энг аввало, интернет-савдо майдончалари эгаларига ўз маҳсулотларини сақлаш, яъни омборхона муаммосини ҳал этади ҳамда интернет-савдо майдонча орқали харид қилинган маҳсулотларни шу ернинг ўзида қисқа муддат ичида қадоқланиб, мижозларга етказиб бериш имкониятини беради», — деди Шерзод Аҳмадов.
