Фермерликка оид кенг қамровли лойиҳа
Ўзбекистон Республикаси Президенти ўз чиқишларида қишлоқ хўжалигини илмий асосда йўлга қўйиш, соҳа мутахассисларини билим ва кўникмаларини мунтазам ошириб бориш каби вазифаларни такрор ва такрор таъкидлаб келмоқда.
Бунда, қишлоқ хўжалигида ҳосилдорлик ва самарадорликни кескин ошириш ва ҳар гектар ердан олинадиган даромадни ошириб борилишига аҳамият қаратилмоқда.
Шу мақсадда «Билимлар замини» деб номланган ўқув курси «Агробанк» АТБ ҳамда «Фермер, деҳқон хўжаликлари ва томорқа ер эгалари кенгаши» томонидан ташкил этилмоқда.
Мазкур ўқув курси республика бўйлаб 80 мингга яқин фермер хўжаликларини қамраб олишни режалаштирган бўлиб, фермерлар қишлоқ хўжалиги соҳасидаги янгиликлар, замонавий техника ва технологиялар, инновацион ечимлар, амалиётда учрайдиган муаммоларни бартараф этишда маҳаллий ва хорижий ёндашувлар бўйича дастлабки билим ва кўникмаларга эга бўладилар.
Лойиҳага Ўзбекистон Республикаси қишлоқ хўжалиги вазирлиги, Ўзбекистон Республикаси сув хўжалиги вазирлиги, соҳадаги Олий ўқув юртлари ва илмий тадқиқот институтлари, Швейцария тараққиёт ва ҳамкорлик агентлигининг Ўзбекистонда сув ресурсларини бошқариш бўйича миллий лойиҳаси, Қишлоқ хўжалиги соҳасида халқаро ташкилотлар ҳамкорлик қилмоқда.
Мазкур ўқув курси кўлами бўйича мамлакатимиздаги энг йирик лойиҳа бўлиб, бир вақтнинг ўзида республиканинг 13 та ҳудудида 100 дан ортиқ юқори малакали тренерлар жалб этган ҳолда 2021 йилнинг ноябридан 2022 йилнинг якунига қадар ташкил этилади. Ҳар бир курс давомида 650 нафаргача тингловчининг малакасини оширишга эришилади.
Тингловчиларга қишлоқ хўжалигини ривожлантириш стратегияси, соҳада инновацион технологиялар, ҳосилдорликни ва тупроқ унумдорлигини оширишнинг замонавий усуллари, зараркунандаларга қарши курашиш, сув тежовчи технологиялар, маҳсулотларини йиғиб олиш, сақлаш, ишлов бериш ва сотиш каби мавзуларда билимлар берилади.
Шунингдек, тингловчилар хориж тажрибасига эга мутахассислар томонидан ўтилишадиган мастер-класларда қатнашиш имкониятига эга бўлади. Курс якунида уларга махсус сертификат ҳамда эсдалик совғалари топширилади.
Курснинг бошланиш санаси: 25 ноябрь.
Рўйхатдан ўтиш учун: @fermerlarkursi_bot
Instagram: @fermerlarmaktabi
Facebook: @Fermerlar-Maktabi
Telegram: @fermermaktab
Реклама ҳуқуқи асосида.
