Янгиликлар

Ўзбекистонда 3 йилда масжидлар қуриш ва таъмирлаш учун қанча маблағ ажратилгани айтилди

11.11.2021 | 09:15

АОКАда 10 ноябрь куни бўлиб ўтган брифингда «Вақф» фонди ахборот хизмати раҳбари Саидаброр Умаров Ўзбекистонда 3 йил ичида масжидлар қуриш ва таъмирлаш учун қанча маблағ ажратилганини маълум қилди.

Маълум қилинишича, Ўзбекистон мусулмонлари идораси тасарруфидаги масжидлар қурилиши, жорий ва капитал таъмирлаш ишлари учун:

2018 йилда 10 та масжидга 400 миллион сўм;
2019 йилда 17 та масжидга 2 миллиард 300 миллион сўм;
2020 йилда 26 та масжидга 1 миллиард 395 миллион сўм;
2021 йилда 32 та масжидга 1 миллиард 157 миллион сўм ва жами 85 та масжидга 5 миллиард 252 миллион сўм хайрия қилинган.

Шунингдек, аҳолининг диний-маърифий илмини ошириш ва масжид кутубхоналарини янада бойитиш мақсадида:

2018 йилда 1290 та;
2019 йилда 6286 та;
2020 йилда 3222 та;
2021 йилда 83 640 та, ўтган давр мобайнида эса қиймати 2 миллиард 95 миллион 873 минг 640 сўмлик 94 438 та китоб масжидлар учун вақф қилинган.