«Толибон» Ўзбекистонга олиб ўтилган вертолётларни қандай қайтариши маълум бўлди
«Толибон» Ўзбекистон ва Тожикистонга олиб қочилган вертолётларни музокаралар йўли билан қайтаришга ҳаракат қилаётганини билдирди.
Маълум қилинишича, ҳозирги кунда Афғонистондаги 40 та вертолёт таъмирланган, яна 10 тасини таъмирлаш ишлари олиб борилмоқда. Ҳаракат вакили интервьюда бошқа масалаларга ҳам тўхталиб ўтган. Жумладан, у «Толибон» армиясининг сони 110 минг киши бўлиши, унга республика томонидан хорижга ўқишга юборилган курсантларга ҳам қўшилиш мумкинлигини қайд этган.
Шу билан бирга, Муҳаммад Ёқуб «Толибон» Доҳада имзоланган келишув шартларига қатъий риоя қилаётгани ва Афғонистон ҳеч қайси давлатга таҳдид солмаслиги, унинг ҳудудида ҳеч қандай террорчилар йўқлигини қўшимча қилган.
