Тошкентнинг қадимий 12 та дарвозаси тикланади
Тошкент шаҳар ҳокими италиялик машҳур продюсер, Festi Group компанияси раҳбари Валерио Фести билан учрашувида бу ҳақда маълум қилди, деб хабар бермоқда ЎзА.
Хабарга кўра, пойтахтнинг қадимий 12 та дарвозасини тиклаш бўйича ишлар олиб борилмоқда.
Шунингдек,Тошкентда юртимиз тарихи, аждодларимизнинг бой маънавий мероси ҳамда халқимизга хос урф-одат ва қадриятлар мужассам этилган, мамлакатимиз меҳмонларига миллийлигимизни тарғиб этувчи фестивалларни ташкил этиш, шаҳримизнинг турли ҳудудларига ўша жойнинг тарихидан келиб чиққан ҳолда рангли ва чироқли инсталляцияларни жойлаштириш, пойтахтни сайёҳларга янада мафтункор ва жизибадор қилиб кўрсатиш масалалари муҳокама этилди.
Қайд этилишича, Тошкент кинофестивали тикланиб, яна анъанавий ўтказилиши йўлга қўйилиши режалаштирилган.
