Дунёда ўткир юқумли вирус тарқалишни бошлагани маълум қилинди

Дунё бўйлаб 2021 йилда парранда гриппи тарқалишни бошлагани маълум қилинди.

Маълум қилинишича, паррандаларнинг оммавий нобуд бўлиши ҳолатлари Европа ва Осиёда кучайган, Хитойда эса мутацияга учраган вирусдан одамлар ўлган. Норвегия, Жанубий Корея ва Япониядаги паррандачилик фермаларида юз минглаб паррандаларда касаллик аниқланган. 15 ноябрь куни Жанубий Кореядаги фабрикалардан бирида шу хасталик қайд этилган 770 000 парранда йўқ қилинган.

Қайд этилишича, парранда гриппи тарқалишининг юқори хавфи бошқа мамлакатларга ҳам таҳдид солмоқда. Хусусан, Франция, Бельгия ва Нидерландияда ҳукумат аллақачон фермерларни огоҳлантирган.

Таъкидланишича, Хитойда 2021 йилда парранда гриппининг «H5N6» штаммидан 21 киши вафот этгани хабар қилинган. Ушбу грипп бошқа кўплаб турлари сингари, одамларга ҳам юқиши мумкин.

Маълумот ўрнида, парранда гриппи — бу овқат ҳазм қилиш тизимининг бузилиши, нафас олиш ва ўлим даражаси 56 фоизга яқин бўлган қушларнинг ўткир юқумли вирусли касаллиги ҳисобланади.

Янгиликлар