Президент фармони билан яна бир агентлик ташкил этилади
Шавкат Мирзиёев «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида»ги фармонни имзолади.
Унга кўра, Иқтисодий тараққиёт ва камбағалликни қисқартириш вазирлиги ҳузурида Маҳаллабай ишлаш ва тадбиркорликни ривожлантириш агентлиги ташкил этилади. Шу билан бирга, Тадбиркорликни ривожлантириш агентлигининг Қорақалпоғистон, вилоятлар ва Тошкент шаҳри бўйича ваколатли офислари ҳамда ҳудудий бошқармалари фаолияти йўлга қўйилади.
Қайд этилишича, агентликка Вазирлар Маҳкамаси томонидан лавозимга тайинланадиган ва лавозимидан озод этиладиган директор раҳбарлик қилади. Шу билан бирга, янги ташкилот ҳузурида бир йил муддатга доимий фаолият юритадиган «Маҳаллабай ишлаш штаби» ташкил этилади.
